अथ क्षेत्रपाल भैरवाष्टकस्तोत्रम्
अथ क्षेत्रपाल भैरवाष्टकस्तोत्रम्
ॐ यं यं यं यक्षरूपं दशदिशि वदनं भूमिकम्पायमानं,
सं सं सं संहारमूर्तिं शिरमुकुटजटा शेखरं चन्द्रबिम्बम्।
दं दं दं दीर्घकायं विकृितनखमुखं ऊर्ध्वरोमं करालं,
पं पं पं पापनाशं प्रणमत सततं भैरवं क्षेत्रपालम्॥१॥
रं रं रं रक्तवर्णं कटकटिततनुं तीक्ष्णदंष्ट्रा विशालं,
घं घं झं घोरघोषं घघ घघ घटितं घर्घरारघोरनादम्।
कं कं कं कालरूपं धगधगयगितं ज्वारितं कामदेहं,
दं दं दं दिव्यदेहं प्रणमत सततं भैरवं क्षेत्रपालम्॥२॥
लं लं लं लंबदन्तं लललललुलितम दीर्घजिह्वं करालम्,
धूं धूं धूं धूम्रवर्ण स्फुट विकृतमुखं भासुरं भीमरूपम्।
रुं रुं रुं रुण्डमालं रुधिरमयमुखम् ताम्रनेत्रम् विशालम्,
नं नं नं नग्नरूपं प्रणमत सततं भैरवं क्षेत्रपालम्॥३॥
वं वं वं वायुवेगं प्रलयपरिमितं ब्रह्मरूपंस्वरूपम्,
खं खं खं खड्गहस्तं त्रिभुवननिलयं भास्करं भीमरूपम्।
चं चं चं चालयंतं चलचलचलितं चालितं भूतचक्रम्,
मं मं मं माय कायं प्रणमत सततं भैरवं क्षेत्रपालम्॥४॥
शं शं शं शंखहस्तं शशिकरधवलं पूर्ण तेजःस्वरूपं,
भं भं भं भावरूपं कुलमकुलकुलं मन्त्रमूर्ति स्वसत्त्वम्।
भं भं भं भूतनाथं किलकिलितवचश्चारु जिह्वालुलन्त,
अं अं अं अंतरिक्षं प्रणमत सततं भैरवं क्षेत्रपालम्॥५॥
खं खं खं खड्गभेदं विषममृतमयं काल-कालांधकारम्,
क्षीं क्षीं क्षीं क्षिप्रवेगं दह दह दहनं नेत्र सन्दीेप्यमानम्।
हूं हूं हूं हुङ्कारशब्दं प्रकटितगहनं गर्जितं भूमिकम्पं,
वं वं वं बाललीलं प्रणमत सततं भैरवं क्षेत्रपालम्॥६॥
सं सं सं सिद्धियोगं सकलगुणमयं देवदेव प्रसन्नम्,
पं पं पं पद्मनाभं हरिहरवदनं चन्द्रसूर्याग्निनेत्रम्।
यं यं यं यक्षनाथं सततभयहरं सर्वदेवस्वरूपम्,
रौं रौं रौं रौद्ररूपं प्रणमत सततं भैरवं क्षेत्रपालम्॥७॥
हं हं हं हंसघोषं हसित कहकहाराव रौद्राट्टहासम्,
यं यं यं यक्षरूपम् शिरसि कनकजं मौकुटं सन्दधानम्।
रं रं रं रंगरंगं—प्रहसितवदनं पिङ्गलश्यामवर्णं,
सं सं सं सिद्धिनाथं प्रणमत सततं भैरवं क्षेत्रपालम्॥८॥
एवं वै भावयुक्तः प्रपठति मनुजो भैरवस्याष्टकं यो,
निर्विघ्नं दुःखनाशं भवति भयहरं शाकिनीनां विनाशम्।
दस्यूनां व्याघ्र सर्पोद्भवजनितभियां जायते सर्वनाशः,
सर्वे नश्यंति दुष्टाग्रहगणविषमा लभ्यते चेष्ट सिद्धिः॥९॥
Comments
Post a Comment